Terus bae watuke ngikil,
tapi ora mandeg Man Kasan nyuled mbako Boyolali lintingane. Tangane
sing isih kuat, kulite sing wis rada ireng, terus bae nyekel papir sing kemebul
nyenggrak. Tapi Man Kasan ora peduli, rasane tambah wengi tambah nkmat, apa
maning wayahe ketiga, semripit angin kumbang ngiliri awake sing esih katon
gagah, senadyan umur pan setengah abad.
“Primen kang !, uripe
awake dewek, apa terus terusan pan kaya kiye ?“ omongan Yu Sinah bojone mau
sore terus bae ngisi atine sing lagi bingung. Pancen Man Kasan ora tau keder
ngadepi penguripan kiye. Nanging pancen penguripan saiki beda adoh karo
penguripan jaman gemiyen, waktu deweke dadi tukang batu bar lulusan SD. Dewekw
ya pernah merantau nang Jakarta ngewangi bulike asah asah nang Warteg. Wektu
kuwe ya urip rasane ora angel, senadyan Mang Kasan Cuma nduwe ijasah SD. Sepisan maning Man Kasan mbatin,
apa sing salah nang jaman saiki.
“Apa jamane sing salah,
apa manusia wis akeh dosane ?, apa Gusti Allah wis ora tresna maning karo
manungsa ?, apa ya ?” kaya kuwe batine Man Kasan. Watuke terus ngikil, tambah
wengi tambah seru. Nganti Yu Sinah kebudegan, akhire tangi lan jagong njejeri
Man Kasan.
“Wis kang, urip ora
kudu dipikir, tapi kudu gumregah, mampune awake dewek kiye apa ?”
“Ya,apa ?, wong wis tak
lakoni dadi tambal ban, wis mayang nganti tekan Laut Yuwono, ya maksa bae aku
ora mampu nafkahi sampeyan “
“Coba tak nang
Malaysia, ya kang ?” kaya kuwe panjaluke Yu Minah.
“Aku emoh. Nah !,
sarekasane urip nang negarane dewek,
kiye luwih apik timbang urip seneng nang negara liya “. Man Kasan ngomong karo
matane mendelik, nyawang bojone sing esih katon nom, kulite putih resik tur
awake katon sintal. Man Kasan banget tresnane karo bojone, mulane ora gelem
ditinggal nang Malaysia.
“Lha
primen, kang !, aku ora tega nyawang sampeyan adus kringet makane Udin, Sofyan
karo Sulis.
***
Langit
langit omahe sing wis kusam warnane, saiki tambah anget kena genine manungsa
sing bebrayan lagi pada tukaran, eyel-eyelen, pada ora gelem ngalahe.
“Wis
kaya kiye bae, Nah. Yen koen keder, ya umah kiye tak dol, primen ?” panjaluke
Man Kasan.
“Aku
ora setujuuu, kang. Omah kiye di dol, eben kanggo masa depane anak anke dewek “
“Ya
wis, yen kowe mikir masa depane bocah, ya ora susah ning Malaysia. Awake dewek
duwe omah tingalane wong tuwa pinggir dalan, bisa kanggo warung sega apa
sauto.. Kenapa harus ke Malaysia ?.
Wengi
wis rada adem hawane, bojone saiki wis ora ngeyel maning. Man Kasan ya wis lega
atine. Mbuh apa sing dilakone pasutri kuwe, sing jelas mereka berdua tidak mau
melewai malam ini begitu saja. Esuk esih ana dina, esih ana penguripan maning.
Wong loro anane mung pasrah***
