Cinderella saka TEGAL

wis kurang apa, Cinderella ?

apa kudu rembulan, sing bunder ayu...

kepenak ngringkel  nang sajroning gaun malamu...

sing digelar saka Himalaya nganti Puncak Semeru

kejaba mung Kuncung Semar....

sing bisa adum kasekten karo inyong...

pada- pada warna pelangi...

jejer werna pitu sajroning grimis riwis riwis

kuwe katresnanku marang sampeyan...

sing ayune kaya dakocan urip...

digubet jarit guratane Parang Barong...

nganti kepriben maning, uripr inyong kiye...?

wis rada ambekan...mumpun esih jembar kalanganne

muncar srengengene lan adem hawane

ayo pada tetembungan sing apik

kaya kuning resik kulitmu...

lan lodang dalan penguripane sakloron

mbokmenawa esuk esih ana gumebyaring urip

nganti inyng bisa nggawe umah

laya gedong loji kompeni...apik

temboke putih bersih, akeh tetanduran kembang...

mawar, kaya katresnanmu

melati, kaya atimu sing tak arep-arep

kenanga, kaya semburat srengenge wayah esuk

ora kudu pedut sing medeni

sing bisa nunjem atimu....

Cinderellaku...!,......

Tegal, 10 Sept 2012

Indonesia Galau

kumlawene alang alang  nyebaraken wijil sing kabur kanginan

kemrisik  godong tebu, pada tetembungan kangen padang mbulan

sing ana ning pelataran omah tani gubug pring

 nanging saiki pada njubleg...gerang gereng kaya buta ijo wayah surup

nggagas sawah kebon sing pada semu ireng lemahe

ngajog karo pepundene bangsa sing pada seneng korupsi

apa ora ana maning geguyonan ? ...kaya penganten anyar..

kang disiram kembang mawar melati

kembang setaman sing  tukul asri sadawe benang kamanungsan

mung pada medegdeg, ora ana maning mangambar wangi

kaya lagi jaman sedulur tetanen nang sawah ijo royo royo

dipangku Gunung Slamet sing kaya Kumbokarno....

apa wis pada garing padusan widadari ning tlatah nusantara...

apa wis ora ana angin ketiga sing gawe godong klapa megat megot

kenapa saiki pada temungkul

‘godong pari lan palawija, agawe bocah pada nangis mriyang

ora ana maning tetembangan lagu jawa ning plataran

kabeh pada mbengok, mabok lan keprosok lumpur

dasar telaga Archipelago sing mowo panas lan nggegirisi

ayo dulur pada cancut tali wondo

samekto ing gati

gegandengan dadi siji, aja ana maning

sedulur sebangsa sing nelangsa diblati onar, nggrangsang lan

mbentongor karo sedulure dewek

Tegal, 6 September

2012